Пуштен во употреба новоизградениот кружен тек во Автокоманда
12.07.2016
Денеска
министерот Мисајловски присуствуваше на пуштањето на нов кружен тек меѓу
улиците „16. Македонска бригада„ и „Коце Металец“ кој ги поврзува населбите
Автокоманда и Железара во општина Гази Баба финансиран од Градот Скопје со
вкупна вредност од 53,6 милиони денари, денеска беше пуштен во употреба.
Кружниот
тек како ново сообраќајно решение ќе придонесе да се зголеми безбедноста
на сите учесници во сообраќајот кои транзитираат од населбата Автокоманда кон
Бутел и Чаир и обратно.
На пуштањето во употреба на кружниот тек во
Автокоманда присуствуваше и претседателот на ВМРО-ДПМНЕ Никола Груевски,
градоначалникот на Град Скопје Коце Трајановски и градоначалникот на општина
Гази Баба Тони Трајковски.
На местото на постојната крстосница меѓу улиците е формиран кружен тек со дијаметар
од 60 метри. На самиот кружен тек се формирани две сообраќајни ленити со вкупна
широчина од девет метри. Се изврши
рекострукција на улицата „16. Македоска бригада“, на должина од 390 метри, како
и дел од улицата „Коце Металец“ во должина од 240 метри. Околу кружниот тек и
на влезните улици е уреден нов тротоар со ширина од три метри и велосипедска
патека со ширина од 2,5 метри.
Кружниот тек е осветлен со 35 столба со моќност од 250
вати. Во средишниот дел на кружниот тек и од страните уредена е вкупна
зелена површина од 11.800 квадратни метри. Во зеленилото е поставен
систем за полевање со 34 прскалки, 22 хидранти, 13 шахти и четири шахти за
систем капка по капка.