Младите до 27 години секој прв и секој трет викенд во месецот ќе имаат бесплатен превоз во железничкиот собраќај. Ова е уште една од пакетот мерки за млади што започна да се реализира во Железницата.

Од овој викенд започнуваме со новата мерка што ја најави претседателот на ВМРО-ДПМНЕ Никола Груевски. Од март,  секој прв и трет викенд во месецот ќе биде бесплатен за сите млади до 27 години. До сега оваа мерка постоеше, односно секој трет викенд во месецот беше бесплатен превозот за сите млади луѓе до 27 години. До сега ги имаат искористено субвенциите на оваа мерка преку 50 илјади млади луѓе, што значи директна заштеда за нив од преку 300 илјади евра. Ние видовме дека е многу важно да го продолжиме овој стимул, односно да им дадеме уште една можност на младите првиот и третиот викенд во месецот бесплатно да се возат и со тоа ќе направиме дополнителен стимул сите оние млади луѓе дополнително да се возат бесплатно, а од друга страна да почувствуваат и една комоција со новите возови што пристигнаа, истакна министерот за транспорт и врски Владо Мисајловски.