Почитувани превозници,

Согласно новонастаната состојба поради одлуката на Република Грција за намалување на бројот на ЕКМТ дозволи со важност и за Република Грција од 90 ЕКМТ дозволи на 60 ЕКМТ дозволи направена еизмена на Планот за распределба на меѓународните транспортни дозволи за 2018 година и истата е објавена во Службен весник на Република Македонија бр.184 од 15.12.2017 година.

 Врз основа на измената на Планот објавена во  Службен весник на Република Македонија и добиени согласности од страна на 21 превозник, извршена е замена на 15 ЕКМТ дозволи со важност и за Република Грција за возила со Еуро 5 стандард со обични ЕКМТ дозволи за возила со Еуро 5 стандард и 15 ЕКМТ дозволи со важност и за Република Грција за возила со Еуро 6 стандард со обични ЕКМТ дозволи за возила со Еуро 6 стандард.

Направените измени кај овие ЕКМТ дозволи се наведени во табелата подолу, а останатите податоци објавени во прелиминарна распределба на 29.11.2017 година остануваат непроменети за сите превозници.   

ВАЖНА НАПОМЕНА

Ве известуваме дека поради изменетиот број на ЕКМТ дозволи со важност и за Република Грција сите спогодби/изјави за размени на ЕКМТ дозволите кои  претходно ги доставивте во писарницата на Министерството не важат, односно во текот на утрешниот ден 21.12.2017 година до 16:30 часот преку писарницата на Министерството треба да доставите нови спогодби/изјави за размена на сите видови ЕКМТ дозволи, за истите да можат да бидат разгледани од страна на Комисијата и опфатени во конечната листа на ЕКМТ дозволите за 2018 година.

Комисија за распределба на ЕКМТ дозволи