Реализација на инфраструктурни проекти, како и индивидуални барања за подобрување на условите за живот и за економски развој беа тема на средбата на делегацијата од Владата и повеќе институции придружувани од претседателот на ВМРО-ДПМНЕ Никола Груевски со жителите на Кичево и кичевските села Вранештица, Другово.

Министерот за транспорт и врски Владо Мисајловски, Груевски и претставници на локалното водостопанско претпријатие најавија дека ќе се направат напори за надминување на проблемот што преку лето го имаат жителите со водоводната мрежа во Другово. Министерството за транспорт и врски, како што најави Мисајловски, ќе помогне во изработка на проектот. На располагање се 740 илјади евра за Другово и потребно е само да се аплицира. Ќе се разгледа и можноста за реконструкција на спортската сала во Основното училиште во Другово.