Претседателот на ВМРО-ДПМНЕ Никола Груевски и министерот за транспорт и врски Владо Мисајловски извршија увид во новиот изграден мост на река Стара  на делницата од село Злеово. 

Инвестицијата е вредна 30 милиони денари, средства обезбедена преку Јавното претпријатие за државни патишта.

При посетата на Радовиш, се изврши и увид во градежните активности за изградба на локален пат од село Подареш до село Калуѓерица. Патот во должина од 4 километри се гради на барање на жителите и со него ќе се овозможи поврзување со регионалниот пат Струмица-Радовиш. Инвестицијата изнесува 500 илјади евра.

Како што рекоа на средбата со Груевски жителите, се олеснува пристапот до регионалниот пат за вршење на нивните секојдневни активности. Жителите на Подареш побараа во селото да се изгради и повеќенаменско игралиште, како и спортска сала, објект што сметаат дека е многу важен за околу 400 ученици во ова село.